ՖԻԴԵ Գրան Պրի. Լևոն Արոնյանը մեկնարկել է ոչ-ոքիով
Շարժայում մեկնարկել է ՖԻԴԵ-ի «Գրան պրի»-ի մրցաշարը: Առաջին տուրում Լևոն Արոնյանը սևերով միավորը կիսեց Եվգենի Տոմաշևսկու հետ: Պարտիան ավարտվեց 22-րդ քայլին:
«Գրան պրի» մրցաշարը հաղթանակով սկսեցին Մաքսիմ Վաշիե-Լագրավը, Մայքլ Ադամսն ու Ռիչարդ Ռապորտը. նրանք հաղթեցին համապատասխանաբար Լի Չաոյին, Սալեմ Սալեհին և Դին Լիժենին: Տուրի մյուս պարտիաներն ավարտվեցին ոչ-ոքի արդյունքով:
Երկրորդ տուրում Լևոն Արոնյանը սպիտակ խաղաքարերով կմրցի Մայքլ Ադամսի հետ:
