Թրամփը հրաժարվել է արմատապես փոխել Կանադայի հետ առևտրի սկզբունքները
ԱՄՆ նախագահ Դոնալդ Թրամփը Կանադայի վարչապետ Ջասթին Տրյուդոյի հետ համատեղ մամուլի ասուլիսի ժամանակ հայտարարել է, որ իմաստ չի տեսնում Կանադայի հետ առևտրի կանոնները փոխելու մեջ, հայտնում է RIA Novosti-ն։
«Մեզ անհրաժեշտ է կատարել որոշակի կարգավորում, որոշ բաներ անել, որոնք օգտակար կլինեն երկու երկրներին»,- ասել է նա՝ պատասխանելով ազատ առևտրի մասին Հյուսիսամերիկյան համաձայնագրի վերանայման պլանների վերաբերյալ հարցին (NAFTA)։
Կանադայի հետ հարաբերությունները Թրամփն անվանել է «անհամեմատ քիչ բարդ, քան նրանք, որոնք ստեղծվել են մեր հարավային սահմանին»՝ նկատի ունենալով Մեքսիկային։
Նրա խոսքով՝ «առևտրային գործարքները (Մեքսիկայի հետ) երկար տարիներ եղել են անազնիվ ԱՄՆ-ի նկատմամբ»։
Նա հավաստիացրել է, որ Վաշինգտոնը «մտադիր է աշխատել Մեխիկոյի հետ, որպեսզի երկու երկրների համար հասնի արդարացի համաձայնագրի»։
