ԱՄՆ սենատորները պատրաստ են Ռուսաստանի դեմ նոր պատժամիջոցներ ձեռնարկել

ԱՄՆ սենատորներն այսօր կհայտարարեն Ռուսաստանի դեմ «համընդգրկուն» պատժամիջոցների սահմանման մասին՝ կապված ԱՄՆ նախագահական ընտրությունների ընթացքին միջամտելու հետ, գրում է Reuters-ը։

Ռուսաստանի դեմ ավելի կոշտ պատժամիջոցներ սահմանելու մտադրության մասին հայտարարել են ԱՄՆ Հանրապետական կուսակցությունից ամերիկացի սենատոր Ջոն Մակքեյնը, դեմոկրատ սենատորներ Բեն Կարդինն ու Ռոբերտ Մենենդեսը։

Ավելի վաղ ԱՄՆ Կոնգրեսը հայտարարել էր Ռուսաստանի դեմ հավելյալ պատժամիջոցներ սահմանելու անհրաժեշտության մասին։