Հզոր դիմակ, որը կերիտասարդացնի մաշկը

Երիտասարդ մնալու համար կանայք հաճախ դիմում են խելահեղ քայլերի՝ բոտեքս, քսուքներ, ներարկումներ և այլն: Նախքան այս բոլոր միջոցներին դիմելը՝ օգտագործեք տնական միջոցներ, որոնք շատ ավելի արդյունավետ են և օգտակար:

Ձեզ ենք առաջարկում հրաշալի դիմակ, որը կերիտասարդացնի մաշկն ու առողջ փայլ կհաղորդի դրան:

Բաղադրություն

• 1/3 հասած բանան
• 1 թ/գ կոճապղպեղի փոշի
• 2 թ/գ ձիթապտղի յուղ
• 1 ձվի հարած սպիտակուց

Բանանը տրորեք, ավելացրեք կոճապղպեղն ու ձիթապտղի յուղը:

Դիմակին ավելացրեք նաև սպիտակուցը, լավ խառնեք, որպեսզի դեղնավուն քսուք ստանաք: Ստացված խյուսը բարակ շերտով քսեք դեմքի մաշկին, թողեք մի փոքր չորանա և ևս մի քանի շերտ քսեք: Վերջին շերտը պահեք 10-15 րոպե:

Դիմակը դեմքից մաքրեք սառը ջրով: Այնուհետև դեմքի մաշկին յուղոտ քսուք քսեք:

Այս դիմակի արդյունքը րոպեական է: Այն հրաշալի կերպով ձգում է մաշկն ու թարմացնում է տեսքը: Այս դիմակն ունի «մինուս 10 տարի» անվանումը:

Կատարեք 10 պրոցեդուրա՝ 5-6 օրը մեկ անգամ:

Նյութը հրապարակման պատրաստեց Լիլիթ Հարությունյանը