Microsoft Selfie-ն Android-ի համար կդարձնի ձեր սելֆիներն էլ ավելի գեղեցիկ
Microsoft Selfie հավելվածը հասանելի է արդեն Android-ի համար: Հավելվածը նախատեսված է լուսանկարվելու և ստացված նկարները մշակելու համար:
Հավելվածի առանձնահատկությունն այն է, որ հատուկ մշակված ալգորիթմների միջոցով այն կարողանում է հասկանալ լուսանկարվող անձանց տարիքը, սեռը, մաշկի գույնը, դիմագծային առանձնահատկությունները և կարողանում է մշակել լուսանկարը շատ բարձր որակով:
Առանց լուսանկարի որակը վնասելու՝ հավելվածը կարողանում է վերացնել դեմքի խնդիրները, կնճիռները, ավելի ընդգծել դիմահարդարումը:
Հավելվածն ունի նաև Prisma հավելվածի գործառույթները: Այս հավելվածով ևս հնարավոր է հասարակ լուսանկարը դարձնել գեղանկար:
Android-ի համար նախատեսված հավելվածն անվճար է: Թողարկումից հետո հավելվածի բեռնումների թիվը եղել է ռեկորդային:
Սիրարփի Աղաբաբյան
