Էրդողանը շնորհակալություն է հայտնել Նազարբաևին Պուտինի հետ հաշտվելու համար
Երեկ թուրքական կողմի նախաձեռնությամբ տեղի է ունեցել հեռախոսազրույց Ղազախստանի նախագահ Նուրսուլթան Նազարբաևի և Թուրքիայի նախագահ Ռեջեփ Թայիփ Էրդողանի միջև, հայտնում է «Գրուզիա օնլայնը»՝ հղում կատարելով Ղազախստանի նախագահի մամուլի ծառայությանը:
Ղազախստանի նախագահի պաշտոնական կայքում հրապարակված հաղորդագրության մեջ ասվում է, որ զրույցի ընթացքում Էրդողանը «անկեղծորեն շնորհակալություն է հայտնել» Ղազախստանի նախագահին այն մեծ աշխատանքի և անգնահատելի ներդրման համար, որն ուղղված է եղել Թուրքիայի և Ռուսաստանի միջև հարաբերությունների նորմալացմանը:
«Թուրք նախագահը տեղեկացրել է երկրի ղեկավարին Ռուսաստանի Դաշնության նախագահ Վլադիմիր Պուտինի հետ հեռախոսազրույցի մասին ու հույս է հայտնել, որ Անկարայի և Մոսկվայի մերձեցման նախանշված քայլերը իրագործվելու են»,- ասված է հաղորդագրության մեջ:
