Բելգիայում 3 մարդ մեղադրվել է ահաբեկչական գործունեություն ծավալելու մեջ
Բելգիայի դատախազությունը պաշտոնական մեղադրանք է առաջադրել նախօրեին ահաբեկչական գործունեությանն առնչություն ունենալու մեջ կասկածվող 3 մարդու: 9 մարդու, որոնք ձերբակալվել են ստուգայցի ընթացքում, որոշվել է ազատ արձակել, հայտնում է BBC-ն:
Շաբաթ օրը Բելգիայի դաշնային դատախազությունը հայտնել էր 12 մարդու կալանավորելու մասին, որոնք կասկածվում էին ահաբեկչական ակտեր կազմակերպելու մեջ:
Ոստիկանությունը խուզարկություններ է իրականացրել հիմնականում Բրյուսելի շուրջ գտնվող բնակավայրերում:
Բելգիայի դաշնային դատախազությունը հայտարարել էր, որ օպերացիայի ընթացքում չեն հայտնաբերվել զենք կամ պայթուցիկ նյութեր:
Բելգիայի հակաահաբեկչական ծառայությունները իրավապահ մարմիններին նախազգուշացրել էին ԴԱԻՇ-ի զինյալների հարձակման վտանգի մասին Բելգիայում և Ֆրանսիայում:
