Դոնալդ Տուսկը բացառել է Ուկրաինայի հակամարտությանը ԵՄ-ի ռազմական միջամտության հնարավորությունը
Լեհական TVN և ուկրաինական հեռուստաալիքներին տված հարցազրույցի ժամանակ Եվրոպական խորհրդի նախագահ Դոնալդ Տուսկը պատրանք է անվանել Ուկրաինայի հակամարտությանը Եվրոպայի ռազմական միջամտության հնարավորությունը:
Տուսկն ընդգծել է, որ անձամբ դեմ է հանդես գալիս իրադարձությունների նմանատիպ զարգացմանը: Տուսկի խոսքերով` ԵՄ-ը չի ընդունի Ուկրաինային այլ կերպ օգնելու մասին որոշում, ինչը վերաբերվում է նաև ռազմական օգնություն ցուցաբերելուն, քանի որ դա գտնվում է նրա իրավասությունից դուրս:
Տուսկը հայտարարել է, որ պետք չէ պատրանքներ տածել այդ կապակցությամբ և պետք է ջանքեր գործադրել ստեղծված իրավիճակի դիվանագիտական կարգավորման ուղղությամբ: Նա բերել է ԱՄՆ-ի ու Կանադայի օրինակը, որոնք շեշտը դնում են այդ հակամարտության կարգավորման խաղաղ և դիվանագիտական միջոցների վրա:
