Չեխիայի նախագահը կարող է սեփական միջոցներով մայիսին մեկնել Մոսկվա
iDnes.cz կայքի փոխանցմամբ` Չեխիայի նախագահ Միլոշ Զեմանը կարող է սեփական միջոցներով մեկնել Մոսկվա` ներկա գտնվելու համար մայիսի 9-ին կայանալիք զորահանդեսին:
Այս մասին հայտարարել է Չեխիայի փոխվարչապետ և Քրիստոնեա-դեմոկրատական միության առաջնորդ Պավել Բելոբրադեկը: Նա զգուշացրել է, որ եթե Զեմանի այցի պաշտոնական ծրագրում ներառվի զորահանդեսին մասնակցելը, ապա իրենց կուսակցության նախարարները չեն աջակցի այցին:
Այդ դեպքում Չեխիայի նախագահը հարկադրված կլինի ճամփորդել սեփական միջոցներով: Միլոշ Զեմանը ԵՄ-ի անդամ երկրների թվում միակ առաջնորդն է, ով պաշտոնապես հաստատել է Հաղթանակի օրվա կապակցությամբ Մոսկվա մեկնելը:
