ԵՄ-ը Ռուսաստանի դեմ նոր պատժամիջոցների հարցը քննարկելու է հաջորդ շաբաթ
Ուկրաինական UNIAN լրատվական գործակալության փոխանցմամբ՝ ԵՄ-ը հաջորդ շաբաթ քննարկելու է Ռուսաստանի հանդեպ հավելյալ պատժամիջոցներ սահմանելու հեռանկարները: Այս մասին հայտարարել է ԵՄ-ի դիվանագիտության ղեկավար Ֆեդերիկա Մողերինին:
Վերջինս այդ հայտարարությունն արել է արտաքին քաղաքականության հարցերով Բեռլինյան ֆորումի բացման ժամանակ, որը նվիրված է եղել միջազգային հարցերում ԵՄ-ի ու Գերմանիայի դերակատարությանը:
ԵՄ-ում Ռուսաստանի մշտական ներկայացուցիչ Վլադիմիր Չիժովը հայտարարել է, որ Ռուսաստանի դեմ պատժամիջոցների հարցը քննարկվելու է հաջորդ երկուշաբթի՝ նոյեմբերի 17-ին, Բրյուսելում կայանալիք ԵՄ-ի նախարարական հանդիպման ժամանակ:
