Էրդողանը կարևորել է Թուրքիայի տարածքով եվրոպական շուկա թուրքմենական գազի հասնելը
![](https://168.am/wp-content/uploads/2014/11/at-jpg20141107134751.jpg)
Ռուսական РИА Новости լրատվական գործակալության փոխանցմամբ՝ պաշտոնական այցով Աշգաբադում գտնվող Թուրքիայի նախագահ Ռեջեփ Էրդողանն այսօր հայտարարել է, որ թուրքմենական գազը եվրոպական շուկա հասցնելը կապահովի Եվրոպայի էներգոանվտանգությունը:
Էրդողանն այդ մասին հայտարարել է Թուրքմենստանի նախագահ Գուրբանգուլի Բերդիմուհամեդովի հետ հանդիպման ժամանակ. «Մենք մեծ նշանակություն ենք տալիս Թուրքիայի տարածքով եվրոպական շուկա թուրքմենական բնական գազի փոխադրման կազմակերպմանն ու Եվրոպայի էներգոանվտանգության ապահովմանը»:
Էրդողանն ընդգծել է, որ Եվրոպա թուրքմենական գազի մատակարարումները կազմակերպելու համար տրվել է TANAP գազատարի նախագծի իրագործման հարցը, որի աշխատանքներն ընթանում են բարձր տեմպերով: Էրդողանի կարծիքով՝ Թուրքիան կարևոր դեր է խաղում Արևմուտքին ադրբեջանական ու թուրքմենական գազը հասցնելու կազմակերպման հարցում: