Ռուսաստանը վաղվանից արգելում է Ուկրաինայից մրգերի ու բանջարեղենի ներկրումը
Gazeta.ru-ի փոխանցմամբ՝ Ռուսաստանը հոկտեմբերի 22-ից արգելում է Ուկրաինայից բուսական արտադրանքի ներկրումը: Այս մասին նշված է Ռուսաստանի Անասնաբուժական ու բուսասանիտարական դաշնային ծառայության (Россельхознадзор) տարածած հաղորդագրության մեջ:
Դրանում նշված է, որ Ուկրաինայից ներկրվող մրգերի ու բանջարեղենի փաթեթավորման հարցում հայտնաբերված թերությունները վկայում են եվրոպական բուսական արտադրանքի վերաարտահանման մասին, որի վրա տարածվում են Ռուսաստանի սահմանափակիչ միջոցները:
Գերատեսչության տվյալներով՝ Ուկրաինայից ստացվող բուսական արտադրանքում կանոնավորապես հայտնաբերվում են կարանտինային օբյեկտներ, և որ իրենք չեն ստացել ավելի վաղ ուկրաինական կողմին հղած իրենց հարցերի պատասխանները:
