Իրանի զինված ուժերը պատրաստ են պաշտպանել Իսլամական հեղափոխության նվաճումները. Ալի Խամենեի
Իրանական IRNA լրատվական գործակալության փոխանցմամբ՝ Իրանի հոգևոր առաջնորդ, այաթոլլահ Ալի Խամենեին հայտարարել է, որ երկրի զինված ուժերը պատրաստ են պաշտպանել Իսլամական հեղափոխության նվաճումները:
Խամենեին այդ հայտարարությունն արել է Իրանի զինված ուժերի հրամանատարության ներկայացուցիչների հետ հանդիպման ժամանակ՝ կապված «Սրբազան պաշտպանության շաբաթվա» հետ:
Մեկնաբանելով 1980-1988 թվականների Իրան-իրաքյան պատերազմի արդյունքները՝ Խամենեին ընդգծել է, որ պատերազմի ժամանակ Իրանի ժողովրդի դիմադրությունը աշխարհին համոզեց, որ երկրի պաշտպանությունը հնարավոր է նաև մերկ ձեռքերով:
