Կոսովոն պատժամիջոցներ է սահմանել Ռուսաստանի նկատմամբ
![](https://168.am/wp-content/uploads/2014/09/pic_9dc30c1e70d065527912fc1f41c49a2b.jpg)
Lenta.ru-ի փոխանցմամբ՝ Կոսովոյի կառավարությունը երեկ պատժամիջոցներ է սահմանել Ռուսաստանի դեմ՝ կապված Ուկրաինայում տիրող իրավիճակի հետ: Այս մասին նշված է Կոսովոյի կառավարության կայքում:
Պրիշտինայում հայտարարել են, որ նման որոշումը բխում է միջազգային կանոնակարգի շահերից և կոչված է պատժել Ռուսաստանին՝ Ուկրաինայի հանդեպ ագրեսիայի ու նրա ինքնիշխանության խաթարման համար: Սահմանափակումները մտցվել են ԱՄՆ-ի ու ԵՄ-ի հետ փոխգործակցությամբ:
Կոսովոյի կառավարության տարածած հաղորդագրությունում որևէ բան նշված չէ, թե ինչպիսի պատժամիջոցներ են սահմանվել Ռուսաստանի դեմ և ինչպես են կիրառվելու դրանք:
Մոսկվայի ու Պրիշտինայի միջև չկան դիվանագիտական հարաբերություններ, իսկ Կոսովոյից ապրանքները չեն կարող մատակարարվել Ռուսաստան, քանի որ վերջինս տվյալ տարածաշրջանը համարում է Սերբիայի անքակտելի մասը: