Սպանությունների թիվը շեշտակի աճել է
Ըստ ՀՀ կառավարությանն առընթեր ՀՀ ոստիկանության ամփոփ տեղեկատվության, այս տարվա հունվար-հուլիսին հանրապետությունում գրանցվել է սպանության 31 դեպք։ Նախորդ տարվա նույն ժամանակահատվածի համեմատ սպանության դեպքերի քանակն ավելացել է 8-ով։
Միևնույն ժամանակ, սպանության փորձերի թիվը նվազել է 3-ով և կազմել 15։
Տարվա առաջին յոթ ամիսներին ՀՀ-ում գրանցվել է 10253 հանցագործություններ՝ նախորդ տարվա նույն ժամանակահատվածի 9543-ի դիմաց։
Մայրաքաղաքում գրանցված հանցագործությունների թիվը նվազել է՝ 5156-ից հասնելով 4976-ի։
