Իրաքի կառավարությունն ԱՄՆ-ին խնդրել է մեծացնել զինյալներին ավիահարվածների թիվը
Ռուսական ИТАР-ТАСС լրատվական գործակալության փոխանցմամբ` ՄԱԿ-ում Իրաքի մշտական ներկայացուցիչ Մուհամմեդ Ալի ալ-Հաքիմը լրագրողների հետ զրույցում հայտարարել է, որ Իրաքի կառավարությունն ԱՄՆ-ին խնդրել է մեծացնել «Իսլամական պետություն» խմբավորման զինյալների դիրքերին ավիահարվածներ հասցնելը:
Ալ-Հաքիմն ընդգծել է, որ ամերիկյան ավիահարվածները «վճռորոշ ազդեցություն» են ուենցել զինյալների պոտենցիալի վրա և կասեցրել են նրանց առաջխաղացումը: Նրա խոսքերով` Իրաքն ԱՄՆ-ին խնդրելու է մեծացնել թիրախների թիվը, ինչպես նաև հարվածների թիվը, քանի որ դա շատ կարևոր է երկրի համար:
Բացի այդ, դիվանագետը միջազգային հանրությանը կոչ է արել ընդլայնել Իրաքի բնակիչներին հումանիտար օգնություն ցուցաբերելը` ստեղծված իրավիճակը անվանելով աղետալի:
