Դևիդ Քեմերոնը կադրային փոխություններ է իրականացրել իր կառավարությունում
Բրիտանական Reuters լրատվական գործակալության փոխանցմամբ՝ Մեծ Բրիտանիայի վարչապետ Դևիդ Քեմերոնը կադրային վերափոխումներ է իրականացրել իր կառավարությունում: Նա հաստատել է երկրի արտգործնախարարի պաշտոնում Ֆիլիպ Հեմոնդի թեկնածությունը:
Ավելի վաղ հայտնի էր դարձել, որ հրաժարական է տվել Մեծ Բրիտանիայի արտգործանախարար Ուիլյամ Հեյգը, և ահա տվյալ պաշտոնում նրան փոխարինել է Ֆիլիպ Հեմոնդը, ով 2011 թվականից զբաղեցնում էր պաշտպանության նախարարի պաշտոնը:
Միևնույն ժամանակ Մեծ Բրիտանիայի պաշտպանության նախարար է դարձել Մայքլ Ֆելոնը, ով սրանից առաջ զբաղեցնում էր երկրի էներգետիկայի ու բիզնեսի զարգացման նախարարի պաշտոնը: Ֆելոնը երկրում հայտնի է որպես կատաղի եվրոթերահավատ:
BBC News-ի հաղորդմամբ՝ կադրային փոփոխությունները շարունակվելու են կառավարությունում և իրենց պաշտոններից զրկվելու է առնվազն 12 մարդ: Ստորև ներկայացված են Մեծ Բրիտանիայի նորանշանակ արտգործնախարար Ֆիլիպ Հեմոնդը (ձախից) ու պաշտպանության նախարար Մայքլ Ֆելոնը (աջից):
