Ադրբեջանում զորավարժության ժամանակ վիրավորվել է երեք զինծառայող
Ադրբեջանական APA լրատվական գործակալության փոխանցմամբ՝ ադրբեջանական բանակի մասշտաբային զորավարժությունների ժամանակ վիրավորվել է երեք զինծառայող որոնք անզգուշաբար են վարվել արկերի հետ: Այս մասին հայտնել է Ադրբեջանի ՊՆ-ի մամլո ծառայությունը:
Միջադեպը գրանցվել է հուլիսի 8-ին: Թեթև վնասվածքներ են ստացել զինծառայողներ Հաշիմլի Բահրամ Մահերամօղլուն, Մամեդով Օրհան Ալլահվերդին և Աղալարզադե Ռագիմագ Ասկերօղլուն: Առաջին բուժօգնություն ցույց տալուց հետո նրանց հոսպիտալացրել են: Նրանց առողջական վիճակը գնահատվում է բավարար:
