Թուրքիայում մեկնարկում է ժողովրդավարության համար պայքարը. Իհսանօղլու
Թուրքական TRT Haber հեռուստաալիքի փոխանցմամբ՝ Թուրքիայի նախագահական ընտրություններում ընդդիմության միասնական թեկնածու, Իսլամական համագործակցության կազմակերպության նախկին ղեկավար Էքմելեդդին Իհսանօղլուն հայտարարել է, որ Թուրքիայում մեկնարկում է ժողովրդավարության համար պայքարը:
Իհսանօղլուի խոսքերով՝ Թուրքիայի նոր նախագահը պետք է ներկայացնի հասարակության բոլոր շերտերը: Իհսանօղլուն վստահություն է հայտնել, որ Թուրքիայում նախագահական ընտրությունները կանցկացվեն ժողովրդավարական մթնոլորտում: Իհսանօղլուն ընդդիմության միասնական թեկնածու է դարձել հունիսի 16-ին:
Թուրքիայում նախագահական ընտրությունների առաջին փուլն անցկացվելու է օգոստոսի 10-ին, իսկ հնարավոր երկրորդ փուլը՝ օգոստոսի 24-ին: Գործող նախագահ Աբդուլլահ Գյուլի պաշտոնավարման ժամկետն ավարտվում է օգոստոսի 28-ին:
