Քեսապի վրա հարձակված զինյալները անարգել հատում են Թուրքիայի անցակետը (տեսանյութ). Gala.am
![](https://168.am/wp-content/uploads/2014/03/qesab1.jpg)
Horizonweekly.ca լրատվականը գրում է. «Առաջին օրերի լռությունից հետո Թուրքիայում կարծիքներ են հնչում, որ Քեսապի վրա «Ալ Քաիդա» ահաբեկչական խմբավորման հարձակումը կազմակերպել է Թուրքիան, մասնավորապես՝ Էրդողանի կառավարությունը եւ կուսակցությունը:
Նման հրապարակումների հեղինակներին, ինչպես նաեւ սիրիական ինքնաթիռին թուրքական կողմի հարվածելու փաստը դատապարտողներին Թուրքիայի արտաքին գործերի նախարար Ահմեդ Դավութօղլուն դավաճաններ է անվանում:
Ի պատասխան «Սոլ փորթալ» լրատվական աղբյուրը տեսանյութ է հրապարակել, որում հստակ երեւում է, թե ինչպես «Ալ Նուսրա» խմբավորման զինյալները Քեսապի սիրիական պահակակետն անցնելու ժամանակ Թուրքիայի սահմանի վրա որեւէ արգելքի չեն հանդիպում եւ հանգիստ ուղղվում են դեպի 50-60 մետր մյուս կողմում գտնվող Քեսապի սիրիական սահմանակետը: Անարգել սահմանը անցնելու այս հանգամանքը վկայում է, որ թուրքական կողմը դրությունն ընծայել է Քեսապի վրա հարձակվող զինյալներին:
Թարգմանությունը` ԳԱԼԱ-ի: