Կիեւի եւ Մոսկվայի ներկայացուցիչների միջեւ խորհրդատվությունները վերսկսվել են. Յացենյուկ
Ուկրաինայի վարչապետ Արսենի Յացենյուկը հայտարարել է Ռուսաստանի եւ Ուկրաինայի նախարարների միջեւ խորհրդատվությունների սկսման մասին, հաղորդում է INTERFAX-ը:
«Սկսվել են Ուկրաինայի եւ Ռուսաստանի Նախարարների կաբինետի անդամների միջեւ խորհրդատվությունները: Հարկ է նշել, որ դրանք առայժմ դանդաղ են առաջ ընթանում, բայց առաջին քայլերն արված են»,-ասել է Յացենյուկը:
Ռուսաստանի նախագահ Վլադիմիր Պուտինն այսօր մամուլի ասուլիսի ժամանակ հայտարարել էր, որ Ուկրաինայի հետ շփումները չեն էլ ընդհատվել: «Երեք օր առաջ ես հանձնարարել եմ կառավարությանը վերսկսել շփումները Ուկրաինայի իրենց գործընկերների հետ` տնտեսական կապերը չխզելու եւ աջակցելու դրանք վերականգնելու ձգտմանը»,-հայտարարել էր Ռուսաստանի նախագահը:
