Եվրահանձնաժողովը օրինական է ճանաչել Վիկտոր Յանուկովիչի պաշտոնանկությունը
![](https://168.am/wp-content/uploads/2014/02/pic_bf4e559df80fbc55bbd8800bbd2928dc.jpg)
Ռուսական Интерфакс լրատվական գործակալության փոխանցմամբ՝ Եվրահանձնաժողովը օրինական է ճանաչել Ուկրաինայի նախագահի պաշտոնից Վիկտոր Յանուկովիչի պաշտոնանկությունը: Համապատասխան հայտարարությամբ հանդես է եկել Եվրահանձնաժողովի պաշտոնական ներկայացուցիչ Օլիվիե Բային:
Պատասխանելով այն հարցին, թե արդյոք ԵՄ-ում Յանուկովիչին ճանաչո՞ւմ են Ուկրաինայի նախագահ հարցին՝ Բային հայտարարել է, որ իրենք հարգում են Ուկրաինայի խորհրդարանի ընդունած որոշումները: Նա հավելել է, որ Եվրահանձնաժողովը հարգում է նաև այն ընթացակարգը, որի արդյունքում Ուկրաինայի ժամանակավոր նախագահ է նշանակվել ընդդիմադիր Ալեքսանդր Տուրչինովը: