Անկախանալու դեպքում Շոտլանդիան կզրկվի ֆունտ սթեռլինգից. Ջորջ Օսբորն
Բրիտանական Reuters լրատվական գործակալության փոխանցմամբ՝ Լոնդոնն արժութային միություն չի կնքի անկախ Շոտլանդիայի հետ և նրան թույլ չի տա գործածել ֆունտ սթեռլինգը: Նման զգուշացմամբ Էդինբուրգում հանդես է եկել Մեծ Բրիտանիայի ֆինանսների նախարար Ջորջ Օսբորնը.
«Շոտլանդիան կպահպանի ֆունտ սթեռլինգը, եթե մնա Մեծ Բրիտանիայի կազմում: Իսկ եթե նա դուրս գա Մեծ Բրիտանիայի կազմից, ապա անմիջապես կզրկվի դրանից: Չկա որևէ իրավական նորմ, որը մեզ կպարտավորեցնի պահպանել անկախ Շոտլանդիայի հետ արժութային միությունը»:
Շոտլանդիայում անկախության վերաբերյալ հանրաքվեն անցկացվելու է սեպտեմբերին:
