Ադրբեջանը պլանավորել է ուղեծիր արձակել հետախուզական արբանյակ
Haqqin.az պորտալի փոխանցմամբ՝ 2014 թվականի փետրվարի 8-ին լրացավ Ադրբեջանի առաջին հեռուստահաղորդակցային արբանյակի՝ Azerspace-1-ի արձակման մեկ տարին:
Ադրբեջանի կապի ու տեղեկատվական տեխնոլոգիաների նախարարության հաղորդմամբ՝ այդ արբանյակի կոմերցիոն շահագործումը մեկնարկել է նախորդ տարվա հուլիսին և հաջողվել է ավելի քան 60 տեղական ու օտար հեռուստաալիքի ներգրավել դրա արբանյակային հեռարձակման մեջ:
2017 թվականին պլանավորված է ուղեծիր դուրս բերել օպտիկական արբանյակ, որն ապահովում է բարձր ճշգրտության պատկերներ, և արդեն իսկ բանակցություններ են տարվում արտադրող ընկերության հետ: Fineco գործակալության պնդմամբ՝ բարձր ճշգրտության պատկերներ ապահովելն այդ արբանյակին դասում է լրտեսական արբանյակների թվին:
2016 թվականին էլ պլանավորված է ցածր ուղեծրային արբանյակի արձակումը:
