Եվրոպայի Խորհրդի գլխավոր քարտուղարը ժամանել է Թբիլիսի
Ադրբեջանական Trend լրատվական գործակալության փոխանցմամբ՝ Եվրոպայի Խորհրդի գլխավոր քարտուղար Թյորբոռն Յագլանդն այսօր առավոտյան պաշտոնական այցով ժամանել է Թբիլիսի: Այս մասին հայտարարել է Վրաստանի առաջին փոխարտգործնախարար Դավիթ Զալկալիանին:
Վերջինիս խոսքերով՝ Յագլանդի այցի հիմնական նպատակը Վրաստանի համար ԵԽ-ի գործողությունների պլանի պաշտոնական շնորհանդեսն է: Պլանում ընդգրկված են 2013-2015 թվականների նախագծերը, որոնք միտված են մարդու իրավունքների, ժողովրդավարության ու օրենքի գերակայության ոլորտներում Վրաստանի կառավարության հետ ԵԽ-ի համագործակցությանը:
Այդ պլանն ընդունվել է 2013 թվականի հոկտեմբերին ԵԽ-ի նախարարների հանձնաժողովի կողմից:
