Մեծ Բրիտանիայում բացվել է առաջին սոցիալական սուպերմարքեթը
Մեծ Բրիտանիայի Հարավային Յորքշիր կոմսության Գոլդտորպ գյուղում բացվել է առաջին սոցիալական սուպերմարքեթը, հաղորդում է «Գարդիան» պարբերականը: Գոլդտրոպը համարվում է սոցիլապես ամենաանբարենպաստ վիճակում գտնվող բնակավայրը, որտեղ բնակչության մեծ մասն աղքատության նիշից ցածր կենսամակարդակ ունի: Սուպերմարքեթն առաջարկում է սննդամթերք` սովորական մանրածախ գներից 70%-ով ավելի էժան: Այնտեղից կարող են օգտվել միայն գյուղի բնակիչները` ցույց տալով համապատասխան փաստաթուղթ:
Խանութն ապրանքներ է ստանում խոշոր սուպերմարքեթներից: Հիմնականում բերվում է այն ապրանքը, որոնց կամ տուփերն են վնասված կամ սխալ մակնշում է արված կամ էլ ապրանքային ավելցուկի պատճառով կուտակվել են:
Սոցիալական սուպերմարքեթի նախագիծի հեղինակը բրիտանական խոշոր «Company Shop» կազմակերպությունն է:
