Իսրայելական ավիացիան հարվածել է սիրիական հրթիռներով լեցուն բեռնատարներին. Al-Jarida
Քուվեյթի Al-Jarida թերթի փոխանցմամբ՝ Իսրայելի մարտական ինքնաթիռները որոշակի տեղեկություններով հարվածներ են հասցրել Սիրիայի ու Լիբանանի սահմանին գտնվող բեռնատարների շարասյանը: Դրանցում գտնվել են սիրիական հրթիռներ՝ նախատեսված լիբանանյան «Հզբոլլահ» շարժման համար:
Թերթն այս հարցում վկայակոչում է Երուսաղեմում եղած բարձրաստիճան աղբյուրը, որի հաղորդմամբ՝ իսրայելական ավիացիայի այդ գործողությունն իրականացվել է դեռևս երեկ: Միևնույն ժամանակ թերթը չի մանրամասնում, թե կոնկրետ որ երկրի (Սիրիայի կամ Լիբանանի) տարածքից է իրականացվել այդ հարձակումը:
Ավելի վաղ թերթը հայտնել էր, որ Իսրայելի անվտանգության ծառայությունները տեղեկատվություն են ստացել, որ պատրաստվում է հրթիռների տեղափոխում Սիրիայից Լիբանան, ինչից հետո պատրաստվել են ոչնչացնել դրանք:
