Ադրբեջանին դուր չի գա Մաքսային միությանը Հայաստանի անդամակցելը. Լուկաշենկո
Ռուսական Rosbalt լրատվական գործակալության փոխանցմամբ՝ Ղազախստանի նախագահ Նուրսուլթան Նազարբաևը դեմ չէ Մաքսային միությանը Հայաստանի անդամակցելուն, սակայն նա ուշադրություն է հրավիրել Ղարաբաղյան հակամարտության չկարգավորված լինելու վրա: Այս մասին հայտարարել է Բելառուսի նախագահ Ալեքսանդր Լուկաշենկոն.
«Դա նշանակում է, որ Ադրբեջանի կողմից կլինեն հարցեր: Ինչպես ես եմ հասակցել, Իլհամ Ալիևն այդ հարցն արդեն իսկ ուղղել է իր ղազախ գործընկերոջը: Մենք պետք է հաշվի նստենք Ադրբեջանի կարծիքի հետ: Եվրոպան շատ չի ձգտում իր շարքերն ընդունել նմանատիպ տարածքային խնդիրներով երկրների»:
Վաղը Մինսկում տեղի է ունենալու Եվրասիական տնտեսական բարձրագույն խորհրդի նիստը, որում դիտարկվելու է Մաքսային միությանը Հայաստանի ու Ղրղզստանի միանալու հարցը:
