Սաակաշվիլին ուրախ է, որ իր նախագահության ընթացքում հաջողվել է վերանորոգել հարյուրավոր եկեղեցիներ
Грузия Online-ի փոխանցմամբ՝ Վրաստանի նախագահ Միխեիլ Սաակաշվիլին գոհունակություն է հայտնել, որ իր նախագահության ընթացքում հաջողվել է վերականգնել ու վերանորոգել հարյուրավոր եկեղեցիներ ու վանքեր:
Այս մասին նա հայտարարել է Մոցամետի վանք կատարած այցի ժամանակ: Նա հիշել է, որ այդտեղ եղել է մի քանի տարի առաջ, երբ դեռ չէին իրականացվել վերականգնողական աշխատանքներ:
Հիշեցնենք, որ հոկտեմբերի 27-ին Վրաստանում անցկացվելու են նախագահական ընտրություններ, որոնցում Սաակաշվիլին իրավունք չունի առաջադրել իր թեկնածությունը:
