Ադրբեջանական ընդդիմությունը նոր թերթ է թողարկում
Ադրբեջանական Turan լրատվական գործակալության փոխանցմամբ՝ մոտակա օրերին լույս կտեսնի Ժողովրդավարական ուժերի Ազգային խորհրդի (ԺՈՒԱԽ) «Ենի Ջումհուրիյեթ» («Նոր Հանրապետություն») պարբերականը:
Թերթն արդեն իսկ գրանցվել է Արդարադատության նախարարությունում: Բացի այդ, սկսել է գործել թերթի online տարբերակը՝ www.cumhuriyyet.az: Նոր մեդիա մարմինը լուսաբանելու է ԺՈՒԱԽ-ի գործունեությունը, աջակցելու է նրա նպատակների իրագործմանը:
Թերթի աշխատանքներում ներգրավվել են ԺՈՒԱԽ-ի մի շարք անդամներ, ինչպես նաև հայտնի լրագրողներ:
