Իրանը մտադիր է նոր ատոմակայաններ կառուցել Պարսից ծոցի ու Կասպից ծովի ափերին
Իրանական Tasnim լրատվական գործակալության փոխանցմամբ՝ իրանցի փորձագետները հստակեցրել են նոր ատոմակայանների գտնվելու վայրերը, որոնց Թեհրանը մտադիր է կառուցել Պարսից ծոցի ու Կասպից ծովի ափերին: Այս մասին գործակալության հետ զրույցում հայտարարել է Իրանի Ատոմային էներգիայի կազմակերպության ղեկավար Ալի Աքբար Սալեհին:
Վերջինիս խոսքերով՝ Թեհրանը նախապատվությունը տալիս է հարավային ուղղությանը, ինչը բացատրվում է նրանով, որ նոր ատոմակայանները հանդիսանալու են երկակի նշանակության օբյեկտներ:
Երկրի ողջ տնտեսության համար էլեկտրաէներգիա արտադրելուց բացի, դրանք օգտագործվելու են ծովի ջրի աղազրկման սարքերի էներգետիկ ապահովման համար: Սալեհին ընդգծել է, որ Իրանի հարավային նահանգները զգում են քաղցրահամ ջրի պակաս:
