Մինչև 2017 թվականը Վրաստանը կունենա բարձր պրոֆեսիոնալիզմով օժտված բանակ. Իրակլի Ալասանիա
Грузия Online-ի փոխանցմամբ՝ Վրաստանի պաշտպանության նախարար Իրակլի Ալասանին հանդիպել է Վրաստանում Շվեդիայի դեսպանատան ռազմական կցորդի ու վերլուծաբանների հետ: Հանդիպմանը ներկա է գտնվել նաև Վրաստանում Շվեդիայի դեսպան Դայնա Ջեյնսը:
Հանդիպման ժամանակ Ալասանիան ու նրա տեղակալ Թամար Կարոսանիձեն հյուրերին իրազեկել են գերատեսչության իրականացրած բարեփոխումների մասին: Նախարարի խոսքերով՝ մինչև 2017 թվականը Վրաստանը կունենա բարձր պրոֆեսիոնալիզմով օժտված բանակ, որը կհամապատասխանի ՆԱՏՕ-ի չափորոշիչներին: Ալասանիան նաև պատմել է վերջին մեկ տարում գերատեսչությունում տիրող բարձր աստիճանի թափանցիկության մասին:
