Սինգապուրի տնտեսական մոդելը դարձավ Վրաստանի բարեփոխումների հաջողության երաշխիք. Սաակաշվիլի
![](https://168.am/wp-content/uploads/2013/07/524283_605536549467869_848426950_n.jpg)
Грузия Online-ի փոխանցմամբ՝ Վրաստանի ու Սինգապուրի նախագահներ Միխեիլ Սաակաշվիլին և Թոնի Թան Կեն Յամը քննարկել են երկու երկրների միջև հետագա համագործակցության հարցը: Այս մասին հայտարարել է Վրաստանի նախագահի մամլո ծառայությունը:
Սաակաշվիլին Սինգապուրում է գտնվում աշխատանքային այցով: Վրացական պատվիրակության կազմում են գտնվում Ազգային բանկի նախագահ Գեորգի Կադագիձեն ու խորհրդարանի անդամներ:
Հանդիպման ժամանակ երկու երկրների նախագահները քննարկել են ապագա փոխհարաբերություններն ու համագործակցության խորացման հեռանկարները: Հանդիպման գլխավոր թեման է եղել վերջին տարիներին Վրաստանի կողմից հաջողությամբ իրագործված տնտեսական բարեփոխումները:
Սաակաշվիլին ընդգծել է, որ Սինգապուրի մոդելը Վրաստանի համար երաշխիք է դարձել հաջողությամբ բարեփոխումներ իրագործելու համար: Վրաստանի ու Սինգապուրի նախագահները քննարկել են նաև քաղաքական հարցեր: