Նոր պայթյուններ Իրաքում. 48 զոհ և 226 վիրավոր
France-Presse լրատվական գործակալության փոխանցմամբ՝ այսօր Իրաքի տարածքում իրականացվել են մի շարք ահաբեկչություններ, որոնց հետևանքով զոհվել է առնվազն 48 և վիրավորվել է 226 մարդ: Այս մասին հայտարարել են իրաքյան իշխանությունների ներկայացուցիչները:
Առկա տեղեկատվության համաձայն, միայն մայրաքաղաք Բաղդադում պայթեցվել է ռումբով լի 11 ավտոմեքենա, որոնցից 5-ը պայթեցվել է շիաներով բնակեցված թաղամասերում: Եվս 5 ավտոմեքենա է պայթեցվել Բաղդադից հարավ ընկած Էլ-Մահմուդիա, Էլ-Կուտ, Էս-Սամավա և Բասրա քաղաքներում:
Տարբեր տվյալներով, հուլիսին Իրաքում բռնությունների զոհ է դարձել առնվազն 780 մարդ:
Հիշեցնենք, որ սրանից առաջ էլ հաղորդվել էր, թե Բաղդադում առավոտյան ժամերին գրանցվել է 8 պայթյուն, ինչի հետևանքով զոհվել է 23 և վիրավորվել է ավելի քան 100 մարդ:
