Սիրիայի քրդերը գերեվարել են իսլամիստ առաջնորդի
Newsru.co.il-ի փոխանցմամբ՝ Սիրիայի հյուսիս-արևելյան շրջանում գնալով ավելի կատաղի բնույթ են ստանում քրդերի և արմատական իսլամիստների միջև մարտերը: Լոնդոնում բազավորված Syrian Observatory for Human Rights իրավապաշտպան կազմակերպությունը հայտնել է, որ այդ բախումների ժամանակ քրդերի ձեռքն է ընկել «Իրաքի ու Լևանտայի իսլամական էմիրություն» խմբավորման հրամանատարը:
Վերջինս հայտնի է «Աբու Մուսաբ» կեղծանվամբ: Օրեր առաջ էլ քրդերն իսլամիստներին դուրս էին մղել Թուրքիայի սահմանի մոտ գտնվող և ռազմավարական կարևորություն ունեցող Ռաս Ալ-Այն քաղաքից: Այդ մարտերում երկու կողմից զոհվել էր մոտ 50 մարդ: Սիրիայի քրդերը մտադիր են ինքնավար շրջան ստեղծել երկրի հյուսիս-արևելյան հատվածում:
