Բաժիններ՝

Գերմանիայի կանցլերը չի բացառել Ռուսաստանի դեմ պատժամիջոցների աստիճանական վերացումը

Գերմանիայի կանցլեր Ֆրիդրիխ Մերցը չի բացառել Ռուսաստանի դեմ պատժամիջոցների փուլային վերացումը, եթե Մոսկվան պատրաստ լինի խաղաղ բանակցությունների և զիջումների, հաղորդում է DW-ն։ «Փոխարենը Ռուսաստանի դեմ պատժամիջոցները փուլ առ փուլ կվերացվեն՝ որոշակի պայմանների կատարման դեպքում»,- նշել է Մերցը։

«Ժամանակն է վայր դնել զենքը»,- հայտարարել է ԳԴՀ կանցլերը՝ դիմելով Մոսկվային։ Նա ընդգծել է, որ Ուկրաինային ցուցաբերվող արևմտյան երկրների ռազմական աջակցությունն ուղղված է ոչ թե պատերազմի ձգձգմանը, այլ բանակցությունների համար պայմանների ստեղծմանը։

«Մենք ցանկանում ենք ավարտել այս պատերազմը։ Մենք մեր ներդրումն ենք ունենում, որպեսզի Ուկրաինան կարողանա արդյունավետորեն պաշտպանվել այնքան ժամանակ, որքան անհրաժեշտ է»,- պարզաբանել է Ֆրիդրիխ Մերցը։

Ըստ Մերցի՝ տարածքային հարցերի շուրջ բանակցությունների հիմքը պետք է դառնա ռուսական և ուկրաինական զորքերի շփման ներկայիս գիծը։ Մերցը միաժամանակ ընդգծել է, որ Ուկրաինան պետք է պահպանի արևմտյան կառույցներին ինտեգրվելու իրավունքը և հրադադարից հետո անվտանգության հուսալի երաշխիքներ ստանա։

Բաժիններ՝

Տեսանյութեր

Լրահոս

Լուրերի օրացույց

Նոյեմբեր 2026
Երկ Երե Չոր Հնգ Ուրբ Շաբ Կիրակի
« Հոկտեմբեր    
 1
2345678
9101112131415
16171819202122
23242526272829
30