Թեհրանից Անկարա ուղարկված արխիվային փաստաթղթերով բեռնատարն անհետացել է երկու օրով
Թուրքական Dünya Bülteni լրատվական կենտրոնի փոխանցմամբ՝ Թեհրանում գտնվող Թուրքիայի դեսպանատնից բեռնատար է ուղարկվել Անկարա, որում գտնվել են թուրք-իրանական հարաբերությունների մասին արխիվային փաստաթղթեր:
Սակայն Թեհրանից Անկարա ճանապարհին այդ բեռնատարն անհետացել է 2 օրով: Կնիք ունեցող տվյալ բեռնատարը հայտնաբերվել է անհետանալուց միայն 48 ժամ անց, սակայն դեռ անհայտ է մնում բեռնատարի անհետանալու պատճառը:
Անհայտ է մնում նաև այն, թե որտեղ և ինչպես է անհետացել թուրք-իրանական հարաբերությունների 450-ամյա պատմությանն առնչվող արխիվային փաստաթղթեր փոխադրող այդ բեռնատարը: Չի բացառվում, որ փաստաթղթերի մի մասը չքացած լինի բեռնատարից:
