Բաքվում հայտարարել են «Թրամփի ուղու» ներուժի մասին՝ տարածաշրջանային էներգետիկ կապակցվածության համար
«Թրամփի ուղի» (TRIPP) նախագիծը ներուժ ունի զարգացնելու տարածաշրջանային էներգետիկ փոխկապակցվածությունն ու դիվերսիֆիկացումը, հայտարարել է Ադրբեջանի արտաքին գործերի նախարար Ջեյհուն Բայրամովը ՄԱԿ-ի Գլխավոր ասամբլեայի 81-րդ նստաշրջանի «կուլիսներում»։
«Իր ելույթում նախարարը ներկայացրել է Ադրբեջանի տեսլականը, որը տարածաշրջանային փոխկապակցվածության ամրապնդումը դիտարկում է որպես տնտեսական աճի, կայուն մատակարարման շղթաների ձևավորման և նոր ներդրումային հնարավորությունների առաջացման շարժիչ ուժ», – նշվում է Ադրբեջանի արտաքին քաղաքական գերատեսչության հաղորդագրության մեջ։
Բայրամովը նաև ընդգծել է TRIPP-ի ներուժը՝ տարածաշրջանային էներգետիկ փոխկապակցվածության և դիվերսիֆիկացման զարգացման գործում։
Բացի այդ, նախարարը խոսել է Ադրբեջանի շարունակական ներդրումների մասին՝ ինտեգրված տրանսպորտային-լոգիստիկ հանգույց ստեղծելու ուղղությամբ, որի առանցքային տարրերն են Բաքվի նավահանգիստը և «Ալյաթ» ազատ տնտեսական գոտին։
Նա նաև ընդգծել է թվայնացման, լոգիստիկ և մաքսային ընթացակարգերի օպտիմալացման, ինչպես նաև գործընկերների միջև գործողությունների համակարգման կարևորությունը՝ առանձնապես նշելով Ղազախստանի, Թուրքիայի և Վրաստանի հետ փոխգործակցության «ճանապարհային քարտեզների» հաջող իրականացումը։
