Հոլիվուդը մեռած է, և մենք պետք է վերակենդանացնենք այն․ Թրամփ
Նախագահը վերստին կոչ է արել երկկուսակցական աջակցությամբ հարկային արտոնությունների փաթեթ ընդունել, որը, նրա համոզմամբ, կօգնի ամերիկյան կինո- և հեռուստաարդյունաբերությանը նկարահանումները կատարել ԱՄՆ տարածքում:
«Բոլորն էլ ուզում են ֆիլմեր նկարել Հոլիվուդում, — ասել է Թրամփը: — Նրանք մեծացել են Հոլիվուդում հայտնվելու երազանքով: Իսկ հիմա Հոլիվուդում ֆիլմ նկարահանելն ուղղակի անհնար է դարձել: Սա տրամաբանությունից զուրկ է, ուստի մենք վերադարձնելու ենք արտադրությունը»:
Թրամփը բազմիցս հանդես է եկել ամերիկյան կինոարդյունաբերության աջակցության միջոցառումների օգտին, որը բախվում է ԱՄՆ-ի սահմաններից դուրս արտադրության ծավալների աճին:
