Թրամփը Պետքարտուղարությունում խնդրել է հանդիպումն ավելի շուտ ավարտել՝ մատնանշելով «պատերազմ վարելու» անհրաժեշտությանը
ԱՄՆ նախագահ Դոնալդ Թրամփը Պետքարտուղարությունում անցկացվող կլոր սեղանի ընթացքում հանդիպման մասնակիցներին խնդրել է արագացնել դրա ավարտը՝ հայտարարելով, որ իրեն անհրաժեշտ է վերադառնալ պատերազմի հետ կապված հարցերին։
«Եթե կարողանայիք շտապել, ես շնորհակալ կլինեի, որովհետև մեզ պետք է պատերազմ վարել։ Ահա, սա է իմ պատրվակը, որ այստեղից մի փոքր շուտ հեռանամ»,- ասել է ամերիկացի առաջնորդը՝ չմանրամասնելով, թե կոնկրետ որ հակամարտության մասին է խոսքը։
Ավելի վաղ Թրամփը հայտարարել էր, որ ԱՄՆ-ի ռազմական գործողությունն Իրանի դեմ կարող է ավարտվել մոտ ապագայում։ Ըստ Թրափի՝ հակամարտության ավարտից հետո ինքն ակնկալում է նավթի համաշխարհային գների նվազում։
Դրանից առաջ ԱՄՆ նախագահը զգուշացրել էր նաև, որ Վաշինգտոնը պատրաստ է Իրանին «Երկրորդ համաշխարհային պատերազմից ի վեր չտեսնված մասշտաբի» հարված հասցնել, եթե Թեհրանը որոշի փակել Հորմուզի նեղուցը։
