Բրազիլիայում բողոքի ակցիաների ժամանակ զոհվածների քանակը հասել է 5-ի
Ռուսական РИА Новости լրատվական գործակալության փոխանցմամբ՝ Բրազիլիայում անցկացվող բողոքի ակցիաների ժամանակ զոհվածների քանակը հասել է 5-ի: Դա տեղի է ունեցել այն բանից հետո, ինչ Բելու Հորիզոնտի քաղաքում անցկացված բողոքի ակցիայի ժամանակ մահացել է մի տղամարդ:
Խոսքը 21-ամյա Դուգլաս Էնրիկե դե Օլիվեյրայի մասին է, ով վայր է ընկել բարձր տեղից և մահացել ստացած վնասվածքներից: Կա մոտ մեկ տասնյակ վիրավոր: Դրանով իսկ Բրազիլիայում ընթացող բողոքի ակցիաների ժամանակ զոհվածների քանակը հասավ 5-ի:
Բրազիլիայում բողոքի զանգվածային ակցիաները մեկնարկել են գրեթե երեք շաբաթ առաջ, ինչի համար առիթ ծառայեց հասարակական տրանսպորտի ուղեվարձի բարձրացումը:
Բրազիլացիները դժգոհ են նաև կրթության ու առողջապահության ոլորտների անբավականաչափ ֆինանսավորումից, երկրում տիրող կոռուպցիայից, և տնտեսական ու սոցիալական այլ խնդիրներից:
