Որքան որ խորանա Իսրայել-Թուիքիա հակամարտությունն ու ստանա համակարգային-քաղաքակրթա-աշխարհաքաղաքական բնույթ, այդքան կնվազի Բաքվի մանևրականությունը․ Էդուարդ Աբրահամյան
Անվտանգության վերլուծության ինստիտուտի ավագ գիտաշխատող, պատմաբան-միջազգայնագետ Էդուարդ Աբրահամյանը գրում է․
«Ինչ խոսք, փայլուն ռազմավարներ են Իսրայելում նստած։ Ճանաչելով Հայոց ցեղասպանությունը՝ ճիշտ ժամանակին ու ճիշտ հաշվարկով, իսրայելական կառավարող էլիտան գնում է այս որոշմանը, երբ Իսրայել-Թուրքիա հակամարտությունը հասունանում է իր աշխարհաքաղաքական դինամիկային՝ մի կողմից, և Թուրքիան զսպելու նպատակով հասունանում է Իսրայել-Ֆրանսիա-Կիպրոս-Հունաստան ալյանսի ձևավորման գագաթնակետը՝ մյուս կողմից։ Բոլոր չորսն էլ ունեն հստակ դիրքորոշում Թուրքիայի ներկայի ու անցյալի վերաբերյալ, ինչն էլ քաղաքակրթական բաղադրիչի ցուցիչ է այս միջերկրածովյան ալյանսում։
Այս իրավիճակում դժվարանում է քաղաքական խաղը Ադրբեջանի համար։ Որքան որ խորանա Իսրայել-Թուիքիա հակամարտությունն ու ստանա համակարգային-քաղաքակրթա-աշխարհաքաղաքական բնույթ, այդքան կնվազի Բաքվի մանևրականությունն ու կմոտեցնի երկուսի միջև ոչ միայն ընտրելու այլ դրանցից մեկին հակադրվելու պահը»։
