Մադրիդի «Ռեալը» Մբապեին չի ընդգրկել «Բարսելոնայի» հետ խաղի հայտացուցակում․ հայտացուցակում բացակայում է նաև Վալվերդեն
Ֆրանսիացի հարձակվող Կիլիան Մբապեն չի ընդգրկվել Մադրիդի «Ռեալի» հայտացուցակում «Բարսելոնայի» դեմ Իսպանիայի առաջնության 35-րդ տուրի խաղի համար։ Այս մասին X սոցիալական ցանցում հայտնել է ֆուտբոլային ակումբի էջը, փոխանցում է ՌԻԱ «Նովոստին»։
Էլ Կլասիկոն կկայանա այսօր Բարսելոնայում՝ մեկնարկելով Երևանի ժամանակով ժամը 23:00-ին։
Ապրիլի վերջին 27-ամյա հարձակվողի մոտ ախտորոշվել էր ձախ ոտքի կիսաջլային վնասվածք։
Լրատվամիջոցները հայտնել էին, որ Մբապեն ապաքինվել է վնասվածքից, հաջողությամբ անցել է բժշկական զննումը և կմասնակցի կատալոնացիների դեմ խաղին։
Հավաքականից բացակայում է նաև ուրուգվայցի կիսապաշտպան Ֆեդերիկո Վալվերդեն, ով գանգուղեղի վնասվածք էր ստացել թիմակից Օրելյեն Չուամենիի հետ վիճաբանության ժամանակ։ Ֆրանսիացին ինքը ընդգրկվել էր հավաքականի կազմում։
Հանդիպման արդյունքում «Բարսելոնան» կարող է դառնալ Իսպանիայի առաջնության հաղթող, դրա համար «կապտանռնագույններին» բավարար է ոչ-ոքին:
