Վարդան Այվազյանը՝ Լևոն Զուրաբյանին. «Անկախություն հորջորջացող իմ գործընկերոջը, իրավական գիտելիքների մեծ գիտակին…»
Ինչպես արդեն տեղեկացրել ենք, ԱԺ ՀԱԿ խմբակցության պատգամավոր Լևոն Զուրաբյանն իր ելույթում հիշել էր Բնապահպանության նախկին նախարար Վարդան Այվազյան շուրջ ստեղծված սկանդալը, ապա հայտարարել. «Այսքանից հետո ի՞նչ ուղերձ է տալիս իշխանությունը, երբ նման հանցագործություններ կատարած մարդուն ԱԺ տնտեսական հանձնաժողովի նախագահ է նշանակում»:
Վարդան Այվազյանն էլ՝ դիմելով ՀԱԿ պատգամավորին ասաց. «Անկախություն հորջորջացող իմ գործընկերոջը, իրավական գիտելիքների մեծ գիտակին, ուզում եմ խորհուրդ տալ, որ ինչ-որ երկրի վարչական դատարանի որոշումը ցիտելու փոխարեն` ավելի լավ էր ցիտեիք միջազգային արբիտրաժի որոշումը»:
