Մադյարի իշխանության գալը չի լուծի ԵՄ-ում առկա տարաձայնությունները. Bloomberg
Հունգարիայում խորհրդարանական ընտրություններում հաղթած Պետեր Մադյարի գլխավորած «Տիսա» կուսակցության իշխանության գալը չի լուծի ԵՄ-ի ներսում առկա լուրջ տարաձայնությունները. շատ բարեփոխումներ և քաղաքական որոշումներ կմնան չիրականացված, հաղորդում է Bloomberg-ը՝ հղում անելով աղբյուրներին։
«Շատ բարեփոխումներ… հավանաբար կմնան օդից կախված… Հունգարիայի բարձրաձայն առարկությունները հաճախ քողարկել են դաշինքի ներսում ավելի լայն պառակտումները… Քչերն են սպասում, որ Մադյարը… ամբողջությամբ կհրաժարվի Հունգարիայի դիրքորոշումներից, օրինակ՝ միգրացիայի և էներգետիկայի հարցերում»,- նշում է գործակալությունը՝ հղում անելով իր աղբյուրներին։
Bloomberg գործակալությունն ընդգծում է, որ Հունգարիայում իշխանության փոփոխությունից հետո ԵՄ որոշումների կայացման գործընթացը, հավանաբար, արմատապես չի փոխվի։ Այնուամենայնիվ, Մադյարը մնում է հանելուկ, ասել է ԵՄ անդամ պետության ներկայանալ չցանկացած բարձրաստիճան պաշտոնյան՝ արտացոլելով դաշինքում տարածված կարծիքը։
