Պուտինը Զատկի հրադադար է հայտարարել
Ռուսաստանի նախագահ Վլադիմիր Պուտինը հայտարարել է Զատկի հրադադարի մասին. հաղորդում է ТАСС-ը՝ հղում անելով Կրեմլի մամուլի ծառայությանը։
«Ռուսաստանի Դաշնության զինված ուժերի գերագույն գլխավոր հրամանատարի որոշմամբ, մոտեցող ուղղափառ Զատկի տոնի կապակցությամբ, ապրիլի 11-ի 16:00-ից մինչև 2026 թվականի ապրիլի 12-ի օրվա վերջը հայտարարվում է հրադադար»,- ասվում է հայտարարության մեջ։
Մոսկվան ակնկալում է, որ ուկրաինական կողմը կհետևի Ռուսաստանի օրինակին՝ Զատկի հրադադարի հարցում։
Պուտինը միաժամանակ Ռուսաստանի զինված ուժերին հանձնարարել է դադարեցնել ռազմական գործողությունները հրադադարի ընթացքում, սակայն պատրաստ լինել թշնամուն պատասխանելուն։
