Արդարությունը հաղթանակեց. Իսրայել Կաց
Իսրայելի պաշտպանության նախարար Իսրայել Կացը հայտարարել է, որ «արդարությունը հաղթանակեց» այն բանից հետո, երբ երեկ Թեհրանում Իսրայելի պաշտպանության բանակի օդային հարվածից սպանվեց Իրանի գերագույն առաջնորդ այաթոլա Ալի Խամենեին, գրում է Times of Israel-ը։
«Բռնապետ Խամենեին ոչնչացվել է «Առյուծի մռնչյուն» գործողության առաջին հարվածի ժամանակ՝ իրանական ահաբեկչական վարչակարգի հենակետում գտնվող այլ բարձրաստիճան պաշտոնյաների հետ,- ասված է Կացի հայտարարության մեջ։- Ով ձգտում էր Իսրայելի ոչնչացմանը, ինքը ոչնչացվեց։ Արդարությունը հաղթանակեց, և չարի առանցքին կործանարար հարված հասցվեց»։
Մարտի 1-ի գիշերը ԱՄՆ նախագահ Դոնալդ Թրամփն իր Truth Social սոցիալական ցանցի էջում հայտնել է «պատմության ամենաչար մարդկանցից մեկի»՝ Իրանի գերագույն առաջնորդ Ալի Խամենեիի մահվան մասին։ Միևնույն ժամանակ, Tasnim գործակալությունը պնդում էր, թե գերագույն առաջնորդը շարունակում է ղեկավարել մարտական գործողությունները օպերատիվ շտաբից։
Հիշեցնենք, որ Իրանում հաստատել են երկրի գերագույն առաջնորդ Ալի Խամենեիի մահը։ Երկրում 40-օրյա սուգ է հայտարարվել։
Ավելի վաղ Fars գործակալությունը տեղեկացրել էր, որ ԱՄՆ-ի և Իսրայելի հարվածների հետևանքով սպանվել են Ալի Խամենեիի դուստրը, փեսան, թոռը և հարսներից մեկը։
