Թուրքական դատարանը լրագրողին դատապարտել է 4 տարվա ազատազրկման՝ Էրդողանին «սպառնшլու» համար
Ստամբուլի քրեական դատարանն ընդդիմադիր լրագրող Ֆաթիհ Ալթայլիին դատապարտել է չորս տարի և երկու ամիս ազատազրկման։ Նա մեղավոր է ճանաչվել Թուրքիայի նախագահ Ռեջեփ Թայիփ Էրդողանին հրապարակավ սպառնալու մեջ, հաղորդում Коммерсант-ը՝ հղում անելով թուրքական հրատարակություններին։
Հունիսի 21-ին Ֆաթիհ Ալթայլին ձերբակալվել է Ստամբուլում իր YouTube շոուում արված հայտարարության հիման վրա։ Հարցման քննարկման ժամանակ, որը, ըստ որոշ տեղեկությունների, ցույց էր տվել, որ բնակչության ավելի քան 70%-ը դեմ է Ռեջեփ Թայիփ Էրդողանի ցմահ նախագահությանը:
«Այս ժողովուրդը խեղդամահ է արել իր սուլթանին, երբ նրան դուր չի եկել կամ կարիք չի ունեցել։ Շատ օսմանյան սուլթաններ են սպանվել, խեղդամահ արվել կամ նրանց մահը ներկայացվել է որպես ինքնասպանություն», – ասել է լրագրողը։
Ֆաթիհ Ալթայլին հերքել է մեղադրանքները և հայտարարել դատավճիռը բողոքարկելու մտադրության մասին:
«Նախագահը վախեցողներից չէ, ուրեմն ինչո՞ւ պետք է վախենա իմ պատմական օրինակից: Սա անարդար է և՛ ինձ, և՛ նախագահի նկատմամբ: Նախագահը իմ ելույթում բողոքելու բան չունի», – ասել է լրագրողը դատական նիստում:
67-ամյա լրագրողը վարում էր YouTube ալիք, որն ուներ գրեթե 1.7 միլիոն բաժանորդ։
