Ուկրաինական ԱԹՍ-ները գրոհել են Նովոռոսիյսկի նավթային ենթակառուցվածքները
Ուկրաինայի զինված ուժերը նոյեմբերի 14-ի գիշերը հարձակվել են Նովոռոսիյսկի վրա: Հայտնի է, որ անօդաչու թռչող սարքի բեկորները հարվածել են բնակելի շենքերին և մասնավոր տներին՝ վնասելով բակերում գտնվող մեքենաները. հայտնում է ՏԱՍՍ-ը։
Մեկ մարդ վիրավորվել է և հոսպիտալացվել: Վնասվել է կաթսայատունը, իսկ երեք բնակելի շենքեր ջեռուցում չունեն, մեկ ուրիշը՝ տաք ջուր: Դպրոցում և լիցեյում ստեղծվել են ժամանակավոր կացարաններ:
Վնաս է հասցվել նաև ենթակառուցվածքներին. անօդաչու թռչող սարքի բեկորները վնասել են «Չեռնոմորտրանսնեֆտ»-ի բաքը և նավամատույցը, NUTEP կոնտեյներային տերմինալը, Շեշխարիսի տեղակայման համալիրի նավթի պահեստը և նավահանգստում գտնվող քաղաքացիական նավերից մեկը:
Անձնակազմի երեք անդամ վիրավորվել և հոսպիտալացվել են:
