Politico-ն պարզել է, թե 2017 թվականին ինչ է Եվրոպայի խորհրդի գլխավոր քարտուղարը խնդրել Էպշտեյնին
Նորվեգիայի նախկին վարչապետ Թորբյորն Յագլանդը, որն այն ժամանակ Եվրոպայի խորհրդի գլխավոր քարտուղարն էր, 2017 թվականին դիմել է հայտնի ֆինանսիստ Ջեֆրի Էպշտեյնին՝ խնդրելով նրան ավելին պատմել ԱՄՆ նախագահ Դոնալդ Թրամփի և ամերիկյան հասարակությունում կատարվողի մասին: Այս մասին հաղորդում է Politico-ն՝ հղում անելով Էպշտեյնի՝ Կոնգրեսի կողմից հրապարակված էլեկտրոնային նամակներին։
«Յագլանդը խնդրել է Էպշտեյնին այցելել իրեն Ստրասբուրգում, Ֆրանսիա, որպեսզի վերջինս օգնի իրեն «ավելին իմանալ Թրամփի և ամերիկյան հասարակությունում կատարվողի մասին»»,- գրում է հրատարակությունը՝ նշելով, որ խնդրանքը եղել է Թրամփի և Ռուսաստանի նախագահ Վլադիմիր Պուտինի 2018 թվականին Հելսինկիում կայացած հանդիպումից մեկ տարի առաջ։
